ҲАВО НАМЛИГИ – атмосфера ҳавосидаги сув буғлари миқдори. Мутлақ ҳамда нисбий Ҳ. н. бўлади. Мутлақ Ҳ. н. дейилганда 1 м3 ҳаводаги сув буғларининг грамм миқдори тушунилади. Шунингдек, симоб устунининг мм билан ифодаланган сув буғлари босими билан ҳам ўлчанади. Нисбий Ҳ. н. дейилганда маълум ҳароратда ҳавонинг сув буғлари билан тўйинганлик фоизи тушунила¬ди. Ҳавонинг буғ билан тўйинган нисбий намлиги 100% га тенг. Нис¬бий намлик мева ва узум етиштириш, ҳосилни сақлашда аҳамиятли.