ШАРҚИЙ-ОСИЁ ТОК ТУРЛАРИ — Витис туркумининг шарқий-Осиё турлари гуруҳи. Шарқий Осиёнинг Хитой, Корея, Япония каби мамлакатлари тоғли, дарё ва денгиз бўйлари соҳилларида тарқалган. Бу гуруҳ 40 дан ортиқ турни ўз ичига олади. Лиана ёки буту шаклида учрайди. Бар¬глари катта, узум бошлари ва ғужумлари кичик. Туплари кучли ўсади, ўсув даври қисқа, совуққа чидамли, кўпи манзарали ўсимлик сифатида ишлатилади. Айниқса, амур ёки уссурия токи (Витис амурензис) турли селекция ишларида қадрланади.