узумнинг уруғсизланиши – узум ғужумларида уруғнинг бўлмаслиги ёки уруғ муртагининг тараққий этмасдан бошланғич ҳолатда сақланиб қолиши (ривожланмайдиган ва унмайдиган ҳолатда бўлиши). Обли¬гат ҳамда факультатив шаклларда бўлади. Облигат шакли уруғсиз узум навлари (кишмишлар, коринка)га хос бўлиб, генетик хусусиятлари би-лан белгиланади. Факультатив шакли эса, уруғли узум навлари хос бўлиб, чангланиш ёки уруғланиш жараёнининг бузилиши натижасида содир бўлади (масалан, Нимранг, Каттақўрғон, Чарос, Тавквери каби функционал урғочи гулли узум навларида).