ПАКАНА ПАЙВАНДТАГЛАР, суст ўсувчи пайвандтаглар – боғдорчиликда П. п. сифатида, асосан парадиз¬ка ва дусен қўлланилади. Олма учун парадизканинг VIII ва IX типлари энг суст ўсувчи пайвандтаг ҳисобланиб, унга уланган олма 2-3 йилдаёқ ҳосилга киради, дарахти ихчам, пакана бўлади. Ярим суст ўсувчи пай-вандтагларга дусеннинг турли типлари (II, III, IV, V) кириб, уларга уланган дарахтлар ўртача катталикда ўсади ва 3-4 йилда ҳосилга киради. Нок учун беҳи ва дўлана ҳам кучсиз ўсувчи пайвандтаг сифатида хизмат қилади.