ТОКЗОР ВА БОҒЛАРНИ ҚАЙТА ТИКЛАШ (қайта барпо қилиш) – қариган, ҳосил миқдори ва сифатини йўқотган токзор ва боғлар ўрнига ҳозирги замон фани ва амалиёти, илғор тажрибага асосланган ва жавоб берадиган йи¬рик ишлаб чиқариш типидаги токзор ва боғларни яратишга қаратилган ташкилий, иқтисодий ҳамда агротехника тадбирлари. Асосий мақсад – ҳар йили муттасил юқори ҳосил берадиган, меҳнат унумдорлиги юқори бўлган, рентабелли токзор ва боғларга асос солишдир.