Ўзбекистон агро ахборот инновация маркази томонидан амалга оширилаётган “Қишлоқ аёлларини лидер фермер аёллар орқали қишлоқ хўжалигида қўшилган қиймат занжирига жалб этиш ва уларнинг турмуш даражасини яхшилаш” лойиҳаси АҚШ нинг Ўзбекистондаги элчихонасининг Кичик Грантлар дастури томонидан молиялаштирилган.

Ушбу лойиханинг мақсади Қашқадарё, Сурхондарё, Хоразм вилоятлари ва Қорақалпоғистон Республикасидаги қишлоқ аёлларини лидер фермер аёллар билан боғлаш ва улар орқали даромади паст, кам таъминланган аёлларга кўмаклашиш, аёлларга қишлоқ шароитида томорқасидан самарали фойдаланиш, иссиқхона хўжаликлари, чорвачилик, паррандачилик ва бошқа фаолият билан шуғулланиш орқали қўшимча даромад топиш ва турмуш даражасини яхшилашдир.


Лойиха ходимлари Ўзбекистон фермер, деҳқон хўжаликлари ва томорқа ер эгалари кенгаши томонидан тавсия этилган Қашқадарё ва Сурхондарё вилоятларидаги лидер фермер аёллар билан учрашиб, уларни ушбу лойиҳа мақсади билан таништириб, лойиҳага жалб этиладиган лидер фермер аёлларнинг вазифалари ва улар бажариши керак бўлган вазифалар билан уларни таништириб ўтишти, келгусидаги лойиҳа тадбирлари ва семинар-тренингларда фаол иштирок этишларини тушунтириб ўтишди.

Қишлоқ хўжалиги ходимлари куни – “Ҳосил байрами” муносабати билан аграр тармоқ меҳнаткашларининг мамлакатимиз озиқ-овқат хавфсизлигини таъминлашдаги фидокорона меҳнатини муносиб қадрлаш ва улуғлаш, маънавий ва моддий жиҳатдан рағбатлантириш мақсадида байрам тадбири ўтказилади
Тадбир 2022-йил 11-декабр куни соат 10:00 дан 17:00 гача бўлиб ўтади.
Манзил: «Ўзэкспомарказ»
Тадбир давомида қишлоқ хўжалиги маҳсулотлари кўргазма-ярмаркалари, маънавий-маърифий ва маданий, хайрия тадбирлари, оммавий спорт турлари бўйича мусобақалар, кўрик-танловлар ташкил этилмоқда.
Шунингдек, тадбирда қишлоқ хўжалигида амалга оширилаётган ислоҳотлар юзасидан турли мавзуларда давра суҳбатлари, тренинглар ва соҳа вакиллари учрашувлари ҳам бўлиб ўтади.

Ҳаммани ушбу тадбирга таклиф этамиз.

Муайян турист учун туристик ресурснинг ўта фаоллиги, яъни унинг жозибадорлиги, туристик маҳсулотни яратишда асосий ташкил этувчиси бўлиб ҳисобланади, экскурсиявий аҳамияти эса ҳам намойиш қилиш объектининг мавжудлиги, ҳам экологик юк билан белгиланади.

Ҳудуд маркетингининг ўзига хослиги шундаки, ҳудуднинг имиджи ва брендларини муваффақиятли шакллантириш учун,  уларнинг ҳар бири шаҳсий мақсад ва манфаатларига эга бўлган кўплаб барча манфаатдор томонларнинг келишилган ҳаракати зарур. Ҳокимият органларининг вазифаси, ушбу манфаатларни келишиш учун асос (платформа) яратадиган ва келишилган стратегия доирасида уларнинг ресурсларини бир жойга тўплаш имконини берувчи механизмларни яратишдан иборатдир.

Худудни олдинга юритишнинг муҳим йўналишларидан бири туризмни самарали ривожлантириш ҳисобланади. Бундай олдинга юритиш минтақавий ривожланишнинг умумий стратегиясининг ажралмас қисми бўлиши ва минтақанинг маркетинг концепциясига мос келиши керак. Индустриал ва аграр туризмни ривожлантириш минтақаларнинг ривожланишнинг умумий концепциясига мантиқан тўғри келади, чунки айнан юқорида келтириб ўтилган туризм турлари асосий стейкхолдерларнинг манфаатларига жавоб беради.[1]

Индустриал туризм – бу туристик фаолликнинг барча турларини бирлаштирадиган кўп қиррали ҳодиса бўлиб, унинг объекти ҳам фаолият юритувчи саноат корхоналари, ҳам саноат мероси объектлари ҳисобланади. Ушбу контекстда индустриал туризми ишбилармонлик, аграр, экологик, гастрономик, ҳунармандчилик, билим олиш (таълим) каби туризм турлари билан кесишади ва/ёки бир-бирини тўлдириши мумкин.

Минтақанинг аграр туризмда ихтисослашган сайёҳлик дестинацияси сифатида илгари суришнинг муҳим омили бўлиб – соябон брендлар, минтақавий туристик кластерлари ва тармоқ лойиҳаларини шакллантириш имконини берувчи маркетинг стратегияси ҳисобланади.

Маҳаллий ҳудудларнинг туристик имкониятларини тадқиқот қилишга замонавий концептуал ёндашувларнинг кўламини ўрганиб чиқиб, R.Butler ва T. Hinch ларнинг маҳаллий туристик тизимларининг концепциясини қайд этмаслик мумкин эмас[2].

Икки йўналишда тадқиқот қилинаётган минтақалар моделлари: туристик оқимларни юзага келтирадиган ва айни дестинациянинг ўзи қимматли ҳисобланади. Концепция доирасида туристик оқимининг, ахборотнинг, молиявий ресурслар ва бошқаларнинг ўлчами билан ифодаланадиган кросс-маданиятлараро алоқалар ўрганилади (2-расм). Айнан туристик бозорнинг иштирокчилари (туристик корхоналаридан тортиб то туризм соҳасидаги давлат томонидан тартибга солинадиган органларгача), иқтисодий, ижтимоий ва жисмоний муҳитлар ўртасидаги кросс-маданиятли ўзаро муносабатлар,  R.Butler ва T. Hinch фикрича маҳаллий туристик тизимларни шакллантириш ва уларни олдинга юритиш йўналишларини белгилайди.

Тошкент вилоятининг Паркент туманида туризмнинг индустриал (саноат) ва аграр йўналишлардаги салоҳиятидан фойдаланишнинг муваффақиятли синергияси яққол намоён бўлмоқда. Сайёҳлар орасида юқори ларажада оммабопликка эга бўлган индустриал мероснинг ноёб объекти («Физика-Қуёш» ИИЧБ), аграр туризмининг қизиқарли локациялари атрофида жойлашган. Ва бу мисол анча яқинроқ ўрганишга лойиқдир.

Биринчидан, ички туризмни ривожлантиришга қаратилаётган эътибор ва уни қўллаб-қувватлаш бўйича Ўзбекистон раҳбарияти томонидан кўрилаётган чора-тадбирлар, индустриал ва маданий мерос объектларини янги ва мавжуд бўлган туристик йўналишларга жалб этиш учун, мамлакат ва минтақавий даражаларда янги туристик дестинацияларни шакллантириш учун қулай замин яратилмоқда.

Иккинчидан, ҳудуд имиджи генетик жиҳатдан маданий мерос ва саноат салоҳияти билан тақозоланадиган минтақаларнинг маҳаллий ўзига хослигини аниқлашга ва шакллантиришга маҳаллий ҳамжамиятларни ва ҳокимият органларининг қизиқиши ортиб бормоқда.

Учинчидан, маҳаллий давлат ҳокимияти органлари олдидаги энг муҳим вазифа, иқтисодиётни диверсификация қилиш йўлларини излаш ҳисобланиб, улардан бири ноёб индустриал ва маданий мерос асосида, шунингдек, мавжуд бўлган саноат корхоналари ва илмий объектлар негизида янги туристик дестинацияларни ривожлантириш бўлиши мумкин.

Тўртинчидан, амалдаги саноат корхоналари ва аграр хўжаликлари, салоҳиятли ташриф буюрувчилар ва маҳсулот истеъмолчилари учун эшикларини очиб, ўз маркетинг стратегияларини кенгайтирмоқдалар.

Паркент туманида агро ва экотуризм муваффақиятининг омиллари

Ўзбекистонда табиатда дам олиш анъанавий тарзда Чимён билан боғланади. Чимён – Ўзбекистон аҳолиси ва бизнинг мамлакатимиз меҳмонлари учун энг оммабоп дам олиш маскани ҳисобланади. Бироқ, Чимён – Тошкент атрофидаги ягона тоғ курорти эмас. Паркент туманидаги аграр ҳудудлари доимо ички ва хорижий сайёҳларнинг эътиборини тортган. Баҳорда бу ерда селфи ихлосмандлари ва Инстаграм фойдаланувчилари учун «магнит» ҳисобланадиган лолақизғолдоқ майдонлари қизил тусга киради. Кузда узум йиғим-терими ва анъанавий от спорти мусобақалари – кўпкарини кўриш мумкин. Қиш даврида эса, ҳатто энг иссиқ йилларда ҳам, Чотқол тизмасининг жанубий шохлари дараларида қор қоплами ярим метргача ва ундан ҳам кўпроқ тўпланади.

Паркент туманида ўзига хос кўриниши ва кундалик ҳаёти билан ажралиб турадиган кўплаб сўлим тоғ қишлоқлари мавжуд. Қишлоқ сўзининг ўзи умумтуркий киш — қиш сўзидан келиб чиққан бўлиб, ва том маънода қишлаш, чўпонларнинг қишки дам оладиган ва уларнинг подаларини турадиган жойи маъносини билдиради. Паркент тумани – чинакам мевали жаннатдир ва Тошкент аҳолисининг севимли дам олиш маскани бўлиб, унгача машинада бир соат ичида етиб бориш мумкин. Бу минтақа “бир қадам масофада”, Ўзбекистон пойтахтидан атиги 50-60 км узоқликда жойлашган.

Табиатда дам олиш учун энг оммабоп жой бўлиб, Сўқоқ қишлоғи атрофи ҳисобланади. Минглаб одамлар бу ерга машҳур бўлган Сўқоқ гастрономик брендлари бўлган “Кўк сомса ва “Мадор сомса”, шунингдек, “Сўқоқ кабоби” лардан баҳраманд бўлиш мақсадида келишади. Баҳорда минглаб одамлар лолақизғалдоқларнинг чексиз гуллайдиган далаларига завқ олиш учун бу ерга келишади, болалар атрофдаги тепаликлардан варраклар учиришади. Туманнинг яна бир диққатни тортадиган сазовор нуқтаси бўлиб – сирли карст коваси (йирик «чашма» сув манбаи) ҳисобланиб, унга йўл Тошкент вилоятидаги ягона сояли қарағайзоридан ўтади.

Тошкентда «Сўқоқ кабоби» ўзига хос кулинарли бренд бўлиб юритилади. Бу баёнот маҳаллий қўйларнинг юзлаб ўсимлик турларини, шу жумладан дориворларини истеъмол қилиши билан изоҳланади, демак уларнинг гўшти жуда юмшоқ, мазаси ёқимли ва ҳатто шифобахш эканлигини англатади. Тошкентлик автомобил ихлосмандларида қувноқ компания билан Сўқоқга кабобга бориш модаси мавжуд. Ҳақиқатан ҳам тоза тоғ ҳавосида сайр қилиш, Бегизшоҳ ва Шохқўрғоннинг қояли чўққиларининг таъсирчан муҳитида кўплаб таассуротларни тортиқ қилади ва мегаполисдаги ҳаётдан қаттиқ ҳаяжонни олади.

Яна бир оммабоп жой – Кумишконни эътибордан четга чиқариб бўлмайди. Бу ерда хушманзара тоғ ландшафтларидан баҳраманд бўлиб, ноёб Гелиокомплексга (ҳавола), асл бўлган Ҳазрати Али Бува масжидига ташриф буюриб, санаторийлар, пансионатлар, меҳмонхоналарда дам олишади. Бу ердан сайёҳлар Ақсақота ва Нурекота дарёлари водийсини ўтиб, Сюренат чўққиларига (2042 м), туманнинг гўзал икки бошли ҳукмрон чўққиси – Қизилнурга (3289 м) чиқишлари мумкин.

Заркент қишлоғи яқинида даралардан бирида бир неча ғор яширинган. Улардан энг йириги (Заркент) 102 метр чуқурликка боради ва оқим оқиб ўтадиган тошли-катта бўлакли тўсиқ билан тугайди. Балки, бу сой ер остидан 5 км дан ортиқ масофани босиб ўтиб, муқаддас Заркент ота булоғида ер юзасига чиққан бўлиши мумкин.

Невич қишлоғи яқинидаги Бошқизилсой дарёсидаги хушманзара каньон сайёҳлар орасида жуда оммабопдир.

Паркент туманининг асосий бойлиги – унинг Чотқол тизмаси этакларида 3 минг гектардан ортиқ майдонда барпо этилган узумзорларидир. Идеал иқлим шароитлари – қуёшнинг кўплиги, унумдор тупроқ, бу баландликда ҳосил бўладиган шамол оқимлари бу ҳудудда нафис узумдан мўл ҳосил етиштириш имконини беради.

Ноёб табиат шароитлари бу ерда нафақат дастурхон узум навларини (қора оқ Кишмиш, Хусайни, Ризамат, Тоифи), балки шароб навларини ҳам етиштириш имконини беради. Фермерлар узумнинг Каберне савиньон, Пино нуар, Мускат, Саперави, Рислинг, Сояки, Кульджа каби навларини маданиятлаштиришади. Сайёҳлар шаробларни тайёрлаш жараёнини томоша қилишлари ва уларни татиб кўришлари мумкин. Бугунги кунда кўплаб вино хўжаликлари ўз ҳудудларида бир кунлик вино турларини ва шаробни татиб кўриш экскурсияларини ўтказмоқдалар.

Паркент туманида агротуризмни ривожлантириш учун юқори салоҳият мавжуд бўлиб, ҳозирги пайтда ундан етарлича фойдаланилмаяпти.

Ўзбекистон Республикаси Туризм ва маданий мерос вазирлиги томонидан Паркент туманида туризм соҳасидаги муаммо ва камчиликларни ўрганилди.

Ўзбекистон Президенти 2017-йил 22-июл куни Тошкент вилояти, жумладан, Паркент тумани туризмни ривожлантириш учун улкан салоҳиятга эга эканлигини, бунинг учун дам олувчилар ва аҳоли хавфсизлигини таъминлаш, инсонлар қалбида туризм соҳасида оилавий тадбиркорлик кўникмалари шакллантириш зарурлигини таъкидлади [3].

2022-йил октабр ойи охирида Бош вазир ўринбосари, Туризм ва маданий мерос вазири Азиз Абдуҳакимов бошчилигидаги масъул шахслар Тошкент вилоятининг Паркент туманига ташриф буюрдилар ва туманнинг туризм салоҳияти билан танишдилар [4].

Дастлабки манзил Кумишкон қишлоғи бўлди. Вазир меҳмон уйлари эгалари билан учрашув ўтказиб ва янги ғоялар асосида қулайликлар яратиш, меҳмонлар сонини кўпайтириш бўйича таклифлар киритди.

Заркент қишлоғидаги вино уйи фаолияти билан танишган вазир виночиликни ривожлантириш, узум ва вино фестивалларини ташкил этиш бўйича тегишли топшириқлар берди. Шунингдек, вино туризмини ривожлантириш учун тегишли чора-тадбирлар қабул қилиш бўйича вазифалар белгилаб олинди.

Ташриф давомида расмий шахслар Паркентдаги Сўқоқ қишлоғида қадимий ва замонавийликни уйғунлаштирадиган этно қишлоқ барпо этиш бўйича узоқ муддатли режалар билан танишдилар. Шунингдек, Бўстон қишлоғининг туристик салоҳияти ўрганилди.

“Zamona Ra’no” санаторийсини кўздан кечирган вазир қўшимча қулайликлар яратиш орқали тиббиёт туризмини ривожлантириш алоҳида аҳамият касб этишини таъкидлади. Маълумот учун, айни дамда санаторийга келаётган сайёҳлар нафақат табиий ўсимликларнинг шифобахш дамламалари ёрдамида даволанмоқдалар, балки ортиқча вазн муаммоларидан ҳам халос бўлмоқдалар.

Қуёш фаоллиги Паркент туманининг сайёҳлари учун жозибадорликни оширади

Аграр туризми ижтимоий терапия воситаси бўлиши мумкин, у архаик шаклларга йиғилмаслиги керак, уни ривожлантириш учун ҳам технологиялар, ҳам инфратузилма керак бўлади. Агротуризм, қишлоқда янги постиндустриал иқтисодиётни яратишни ҳам кўзда тутади. Бу тегишли ривожланиш сиёсатини талаб қилади. Қишлоқ ҳудудлари ўз атрофларида турли фаолликдаги тармоқ кластерларига киритилган ёки уларнинг шакллантирилаётганлари энг катта салоҳиятга эга.

Агар қандайдир бир географик нуқтада кучли «мушт» омиллари тўпланган бўлса – жозибадор ландшафтлар, экология, қулай транспорт ва ахборот инфратузилмаси, муҳим тарихий ўтмиш ва тарихий обидалар, қизиқарли маҳаллий ташаббуслар, индустриал туризмининг ноёб объекти, фаол маҳаллий аҳоли – бу энг истиқболли ҳудуд ҳисобланади.

Туризм минтақада маданият ва саноат ривожланишининг кўзгусидир. Агар қуёш кўзгуларда акс этиб улкан концентраторга йўналтирилган бўлса, унда гап Ўзбекистондаги индустриал туризмнинг энг оммабоп объекти – “Қуёш физикаси” ИИЧБ ҳақида кетмоқда.

Паркент туманининг эгри-бугри йўллари бўйича айланиб юриб, узоқдан тоғда ёрқин, сарғиш қанотли, қуёш нурларини ушлайдиган гўзал “капалак”ни кўриш мумкин. Улкан оптик-механик иншоот 1050 метр баландликда жойлашган ва дунёда деярли ўхшаши йўқ.

Ўзбекистонлик журналистлар, блогерлар ва онлайн-медиа муҳаррирлари учун октябр ойи охирида бўлиб ўтган “Экология ва атроф-муҳитни муҳофаза қилиш масалаларини ёритиш” мавзусидаги тренинг доирасида ноёб илмий объект билан яқиндан танишдим. Тадбир Time Out Tashkent компанияси томонидан ташкил этилди.

Бу жойнинг расмий номи – Ўзбекистон Республикаси Фанлар академияси ИИЧБ “Қуёш физикаси” Материалшунослик институти. Бундай иншоотлар дунёда фақат иккита, бири Францияда, иккинчиси Ўзбекистонда. Институт гелиостат майдонидан иборат бўлиб, қуёш нурлари ўрнатилган 12090 та кўзгуга тушиб ва тўпланиб, ботиқ ойнанинг – концентраторнинг юзасига харакат қилади. Ойна концентратори – «Қуёш» объектининг асоси – оғирлиги 200 000 тонна бўлган массив металл конструкциядан иборат. Катта кўзгу концентратори қарама-қарши жойлашган гелиостатлардан ва технологик минорадан, қуввати бир мегаватт бўлган қуёш энергиясининг концентрланган оқими йўналтирилган махсус ойна орқали нурлар оқимини қабул қилади.

Гелиомажмуанинг бевосита йўналтирилганлиги – ўта юқори ҳароратларда ўтга чидамли материалларнинг хулқини ўрганиш, шунингдек, авиакосмик саноати учун ўта тоза иссиқликка чидамли материалларни олишдир.

Шу билан бирга, “Қуёш физикаси” ИИЧБ да метеорологик тадқиқотлар, қуёш энергиясида ишлайдиган турли хил маиший ва саноат иситгичларининг муҳандислик ишланмалари олиб борилмоқда.

Бироқ, бу ноёб саноат объекти бизни унинг сайёҳлик салоҳиятини ўрганиш позициясидан, яқин жойлашган атрофларга оммабоплик мультипликатори сифатида жалб қилди.

Бугун биз бемалол айта оламизки, ноёб илмий объект Ўзбекистон Республикасида индустриал туризмнинг сегментида энг оммабоп ҳисобланади. Ҳар куни “Қуёш институти”га Ўзбекистон аҳолиси ҳам, узоқ ва яқин хорижлик сайёҳлар ҳам экскурсиялар билан ташриф буюришади. Ташриф буюрувчилар ушбу бинони “фантастика олами” дан кўришга ва суратга олишга интилишади, уларнинг ижтимоий тармоқлар ва видеосервислар орқали эфирга узатилаётган таассуротлари эса, янги хоҳловчиларни жалб қилишга ёрдам бермоқда. “Қуёш физикаси” ИИЧБ си вакилларининг ҳисоб-китобларига кўра, ойига ташриф буюрувчилар сони 10 минг кишига етмоқда.

Йил сайин хоҳловчилар сони ортиб бораётгани қувонарли. Бу шуни англатадики, илмий объектнинг туристик диққатга сазоворлиги яқин атрофда жойлашган ҳудудлар учун истиқболли имкониятлар яратади. Бундай муайян ҳолда, булар қишлоқ хўжалиги ерлари, қишлоқ хўжалиги маҳсулотларини қайта ишлаш корхоналари ва экотуризм объектларидир. Ва оммабоплик манфаатдорлари Паркент туманида кўплаб етарли бўлган агротуризм объектлари бўлиши мумкин ва бўлиши керак ва бунинг учун Ўзбекистон Республикаси Туризм ва маданий мерос вазирлиги оммабоплаштириш ишлари билан фаол шуғулланиб келмоқда.

Бироқ, кросс-маркетинг воситалари етарли даражада қўлланилмаяпти. Ҳеч қаерда, на йўлларда, на “Қуёш физикаси” ИИЧБ ҳудудида биз яқин атрофда жойлашган агротуризм объектларининг рекламаларини кўрмадик. Биринчи босқичда етарлича баннерлар ва буклетлар билан тўлдирилган устунлар етарли бўлади. Идеал ҳолатда, Паркент туманидаги қизиқарли туристик объектлар тўғрисидаги маълумот билан инфокиоскани жойлаштириш керак. Яқин атрофда маҳаллий ишлаб чиқарувчилар маҳсулотларини (доривор чойлар, сут маҳсулотлари, узум маҳсулотлари ва турли сувенирлар) сотадиган савдо нуқтаси йўқ. Айтиш лозимки, бу қўшимча даромадни таъминлайди ва аҳоли бандлигини оширади. Ҳар томонлама тарғибот минтақавий ривожланишнинг умумий стратегиясини шакллантиришга ва минтақани жозибадор туристик дестинация сифатида, маркетинг концепциясига мос келишига кўмак беради.

Rабулжан Адилов – Agroturizm.uz сайтининг бош муҳаррири, “Agroinnovatsiya” жамғармаси Жамоат бирлашмаси ижроия директори

Мурод Насиров  – Agronews.uz сайтининг бош муҳаррири

 

[1] Стейкхолдер (stakeholder) ёки рол — ҳаракатлари, ҳулқи ёки қарорлари тизимнинг муваффақиятига таъсир қилиши мумкин бўлган инсонни, шахслар гуруҳини ёки алоҳида ташкилотларни тавсифловчи тушунча.

[2] Butler R., Hinch T. Tourism and Indigenous Peoples: Issues and Implications. – London: Butterworth-Heinemann, 2007. – 400 p.

[3] https://www.gov.uz/ru/news/view/11442

[4] https://uzbektourism.uz/ru/news/view?id=2471

O’zbekiston Eksportchilar Uyushmasiga 🇮🇷 Eron Islom Respublikasidan 20 kishilik delegatsiya a’zolari tashrif buyurishdi. Uchrashuv davomida O’zbekiston va Eron Islom Respublikasi o’rtasida import va eksportni doimiy yo’lga qo’yish masalalari ko’rib chiqildi. O’zaro hamkorlikni davom ettirish uchun kelishuvga erishildi.

Imzolangan memorandumga ko’ra, O’zbekiston doimiy eksportchi sifatida Eron Islom Respublikasiga bir necha turdagi mahsulotlarni yetkazib beruvchi asosiy hamkor bo’lishi nazarda tutilgan.

O‘zbekiston Respublikasi Qishloq xo‘jaligi vazirligi delegatsiyasi Qishloq xo‘jaligida bilim, innovasiyalar va agroxizmatlar milliy markazi (AKIS) rahbarlari, ekspertlari bilan birgalikda Irlandiyada xizmat safarida bo‘lib keldi.

Tashrif doirasida delegatsiya aʼzolari Irlandiya Milliy botanika bog‘ida bo‘lishdi. Bog‘ hududida agrosanoat majmuasida ilmiy ishlanmalar, taʼlim va agroxizmatlar organi hisoblangan TEAGASC davlat agentligi tarkibiga kiruvchi Meva-sabzavotchilik kolleji joylashgan. Bu kollejda talabalar va qisqa muddatda taʼlim oluvchilar (5-6 oylik kurslar) mevachilik, o‘rmonchilik, gulchilik, sabzavotchilik (ochiq va himoyalangan joylarda), kartoshkachilik va qo‘ziqorin yetishtirish yo‘nalishlari bo‘yicha o‘qishadi. Kollej direktori Jon Mexlern va Teagasc agentligi taʼlim bo‘limi boshlig‘i Anna-Maria Batler tomonidan Irlandiyaning agrar yo‘nalishdagi kollejlari va  Milliy botanika bog‘i bo‘yicha maʼlumot berildi.

Taʼkidlanishicha, ushbu kollejlarning aynan Milliy botanika bog‘ida joylashganligi talabalarga noyob taʼlim imkoniyatini taqdim etadi. Ushbu bog‘da 1812-yildan beri sifatli o‘qitish anʼanasi mavjud bo‘lib, talabalarni bog‘dorchilikka o‘rgatishadi. Ayni paytda barcha kurslarda 300 nafar talaba tahsil olmoqda.

O‘quv dasturi yo‘nalishlarga mos ravishda shakllantirilgan. Talabalar kollejdagi 6-darajadan keyin fermer xo‘jaliklarida faoliyat yuritishi mumkin, lekin keyingi vaqtlarda maʼmuriyat ularni 7-8 darajalarni (ushbu daraja bakalavr darajasi bilan tenglashtiriladi) olish uchun ham taʼlimni davom ettirishlarini targ‘ib qilishmoqda. Sababi ushbu darajalarni olgan bitiruvchilar Irlandiyada professional bilim va tajribaga ega mutaxassis deb tan olinadi.

Qishloq xo‘jaligi vazirligi vakillari Teagasc agentligining Bilim tarqatishda aholini qamrab olish va axborot-innovatsiyasi (KT Outreach and Innovation) bo‘limi rahbari Mark Gibson tomonidan tashkil etilgan seminarda ishtirok etishdi. Mark Gibson tinglovchilarni Teagasc faoliyatida barcha ishtirokchilarning funksional bog‘liqlik jarayoni batafsil tasvirlangan organigrammasi bilan yaqindan tanishtirdi. Seminar davomida zamonaviy uslublardan biri sifatida e-learning moduli yaratilishi va uning fermerlar bilim saviyasini oshirishdagi o‘rni alohida taʼkidlandi. Teagasc o‘z faoliyatida elektron pochta marketingi, innovatsion videolavhalarni tarqatish, ijtimoiy tarmoqlarni yuritish, vebinarlar, treninglar o‘tkazishda raqamli kommunikatsiya tizimlaridan keng foydalanib kelayotgani aytildi.

Delegatsiya aʼzolari shuningdek, Dublin universitetiga uning Qishloq xo‘jaligi va oziq-ovqat fanlari fakulteti bilan yaqindan tanishish maqsadida tashrif buyurishdi.

University College Dublin (USD) 1854-yilda tashkil topgan va Yevropaning yetakchi universitetlaridan biri hisoblanib, bakalavr, magistratura va PhD yo‘nalishlarida taʼlim beradi. Bu yerda innovatsion ilmiy-tadqiqotlar ham olib boriladi. Universitet nafaqat Irlandiyadagi, balki dunyodagi global muammolarni o‘rganadi, bugungi kunda taʼlim dargohida 152 mamlakatdan 37 000 dan ortiq talaba tahsil oladi.

Universitetning “2020-2024-yillar uchun kelajakka ko‘tarilish strategiyasi” ga muvofiq, USDdagi tadqiqot va innovatsiyalar spektri alohida olimlar, tadqiqot guruhlari, startap kompaniyalari hamda sanoat va boshqa hamkorlar bilan keng ko‘lamli hamkorlikni o‘z ichiga oladi.

Qishloq xo‘jaligi vazirligi xodimlari fermerlar jurnali rahbariyati bilan uchrashish uchun Ofalli hududida joylashgan Tullamor ko‘rgazmali fermer xo‘jaligiga borishdi. Har hafta 60 ming nusxada nashr etiladigan jurnalni 120 mingta fermer xo‘jaliklari doimiy kuzatib borishadi. Unda fermerlarning muammolari, olib borilayotgan ilmiy-tadqiqotlar va qishloq xo‘jaligi sohasidagi siyosiy faoliyat bo‘yicha maqolalar berib boriladi. Jurnal tomonidan ko‘rgazmali fermer xo‘jaligi tashkil etilgan bo‘lib, u chorvachilik sohasida faoliyat olib boradi. Har yili mazkur xo‘jalikdagi ishlarni mingga yaqin fermerlar kelib o‘rganib ketadi. 80 gektar maydondagi xo‘jalikda 100 boshga yaqin naslli qoramollar hamda 250 boshga yaqin qo‘ylar ko‘paytirib kelinmoqda. Ahamiyatlisi, ko‘rgazmali xo‘jalik mobil dastur orqali boshqariladi. Poda harakati, ozuqa sarfi va shu kabi maʼlumotlar ushbu mobil dasturga doimiy tarzda kiritib boriladi.

Tashrif doirasida Irlandiya fermer xo‘jaliklarining eng yirik kooperatsiyasi bo‘lgan Tirlan uyushmasi faoliyati o‘rganildi. Fermerlarga qarashli mazkur kooperativ jahon bozorida birinchi darajali muvaffaqiyatga erishgan hamda Irlandiyaning eng yirik sut mahsulotlarini ishlab chiqaruvchilari qatoriga kiradi. Fermerlar boshqaradigan ushbu muassasada 11 ta qayta ishlash korxonasi, 52 ta qishloq xo‘jaligi filiali, 2 ming nafardan ortiq xodimlar mavjud hamda 2022-yili 3 mlrd yevro daromad olinishi rejalashtirgan.

Irlandiya qishloq xo‘jaligida bilim va innovatsiyalar tizimi (AKIS) hisoblangan Tegask davlat agentligining Grenj shahrida joylashgan Chorvachilik va yaylovlar ilmiy-tadqiqot markazidagi o‘rganish ishlari vazirlik delegatsiyasi aʼzolarida katta qiziqish uyg‘otdi. Ushbu ilmiy muassasa 2 ta yo‘nalish: hayvonlar va biofanlar hamda yaylovchilik bo‘yicha tadqiqotlar olib boradi. Markazda fermer xo‘jaliklari faoliyatida yuzaga kelayotgan masalalar, chorva hayvonlaridan go‘sht yetishtirish jarayonida atrof-muhitga karbon gazlarini ishlab chiqarishni kamaytirish, sifatli go‘sht yetishtirish, yuqori mahsuldor hayvonlarni ko‘paytirish bo‘yicha ilmiy izlanishlar olib boriladi.

Chorvachilik va yaylovlar ilmiy-tadqiqot markazining Kork shahrida joylashgan Yaylovchilik departamentiga borilganda, ilmiy xodim Maykl O Leriy departament faoliyati bo‘yicha to‘liq maʼlumot berib o‘tdi. 2013-yili izlanuvchilar tomonidan “PastureBase Ireland” (Irlandiya yaylovlar bazasi) mobil ilovasi ishlab chiqilgan bo‘lib, bugungi kunda u butun Irlandiya bo‘ylab ommaviy foydalanilmoqda. Mobil ilovaga maʼlumotlar fermer xo‘jaliklari, maslahatchilar va talabalar tomonidan kiritib boriladi hamda Tegask davlat agentligi mutaxassislari tomonidan tahlil etiladi, shuningdek, yaylovlarning umumiy hosildorlik ko‘rsatkichlari bo‘yicha ilmiy asoslangan xulosalar kiritiladi. Mazkur mobil ilova orqali fermer xo‘jaliklari o‘z yaylovlarida mavjud ozuqalar miqdori va ularning o‘sishi bo‘yicha maʼlumotlarni kuzatib borish imkoniyati mavjud.

Navbatdagi manzil Tegask davlat agentligining Kork shahrida joylashgan Oziq-ovqat tadqiqoti markazi bo‘ldi. Markaz oziq-ovqat xavfsizligi, biofan, oziq-ovqat sifati, kimyosi va texnologiyasi, sanoati kabi yo‘nalishlarda faoliyat olib boradi. Maqsadi esa oziq-ovqat korxonalarining raqobatbardoshligini oshirish, oziq-ovqat mahsulotlarini diversifikatsiya qilishni rag‘batlantirish/mahsulot portfelini kengaytirish, qo‘shilgan qiymatni oshirish, ilmiy asoslangan takliflarni taqdim etishdir.

Kork kolleji universiteti (University of College Cork) faoliyati bilan tanishuv chog‘ida professor Frank Bukliy universitet bo‘yicha batafsil maʼlumotlar berdi. Ushbu OTMning Biologiya, yer va atrof-muhit fanlari fakulteti Tegask davlat agentligi bilan o‘zaro hamkorlikda faoliyat olib boradi. Taʼlimning 70 foizi auditoriyada, 30 foizi amaliyotda o‘tkaziladi. 3-4 bosqichda talabalar fermer xo‘jaliklari, ishlab chiqarish korxonalarida amaliyot o‘taydilar. Universitet talaba va professorlari uchun Oziq-ovqat tadqiqoti markazida ilmiy izlanishlarni olib borish uchun imkoniyatlar yaratilgan.

Tashrif davomida Irlandiya qishloq xo‘jaligi sohasida maslahatlar berish bo‘yicha xususiy tizimda faoliyat olib boruvchi Qishloq xo‘jaligi konsultantlari uyushmasi rahbari Brein Karroll bilan uchrashuv bo‘lib o‘tdi. Ushbu uyushmaga 1979-yili asos solingan bo‘lib, 1981-yilda Irlandiyaning mustaqil qishloq xo‘jaligi maslahatchilari uyushmasi sifatida ro‘yxatga olingan. Uyushmaga jami 55 ming (umumiy xo‘jaliklarning 40 foiziga yaqin) fermer xo‘jaliklari aʼzo. Uning Irlandiya bo‘ylab 165 dan ortiq xizmat ofislari, 280 nafarga yaqin qishloq xo‘jaligi, 11 nafar o‘rmon xo‘jaligi bo‘yicha mutaxassislari mavjud. Uyushma turli ishlab chiqaruvchilarning mahsulotlarini reklama qilish, qishloq xo‘jaligi sohasida maslahat bilan xizmat ko‘rsatish orqali o‘zini o‘zi moliyalashtiradi.

Shu tariqa O‘zbekiston Respublikasi Qishloq xo‘jaligi vazirligi delegatsiyasi vakillarining Irlandiyaga bo‘lgan qiziqarli va hodisalaru tashriflarga boy safari nihoyasiga yetdi.

Тошкент вилояти Агрохизматлар маркази (АКИС)да Ўзбекистон Республикаси Қишлоқ хўжалиги вазирлиги ҳамда хусусий сектор билан биргаликда (“Triple Point Engineering”) семинар тренинг бўлиб ўтди. “Қишлоқ хўжалиги маҳсулотларини Европа давлатларига экспорти” мавзусидаги ушбу тадбирда Латвиянинг “Сертификатлаш ва тест синовларидан ўтказиш маркази” (“СТC”) компанияси директори Антанас Макаревичиус, Европа бозорларига органик маҳсулотларни етказиб берувчи ”Ekofarm” компанияси эксперти Мариус Раила ҳамда Қишлоқ хўжалиги вазирлигининг бошқарма бошлиғи Анвар Джумановлар иштирок этишди. Ушбу тадбирни ўтказишдан асосий мақсад, аҳолини соғлом озиқ овқат маҳсулотлари билан таъминлаш, шунингдек, республикада Organic, ва Global G.A.P халқаро стандартлари талаблари асосида маҳсулот етиштириш ҳажмини ошириш, шу билан бир қаторда, етиштирилган маҳсулотларни Европа бозорларига олиб кирилишини жаддалаштириш каби муҳим йўналишларни ўз ичига олади. Жумладан, халқаро стандартлар талаблари асосида маҳсулотлар етиштираётган субъектлар сонини кўпайтириш орқали республиканинг экспорт салоҳиятини янада ошириш кўзда тутилган. Шунингдек, экспертлар томонидан халқаро стандартлар талаблари асосида маҳсулотларни етиштириш ва уларни қандай қилиб Европа бозорларига олиб кириш ҳамда сотиш юзасидан кластерлар, кооперация ва фермер хўжаликлари мутахассисларини қизиқтирган саволларга жавоблар берилди.

Иқлим oзгариши ва бошқа кўплаб омиллар сабаб ўсимликлар касалликлари ҳам эволюция қилмоқда. Флора оламида инфекцион касалликлар, замбуруғлар ва вируслар янгилик эмас. Ўсимликларда ҳаёт кечирадиган ушбу организмлар вегетация даврини нормал кечишига тўсқинлик қилади ва ҳосилдорликнинг пасайишига олиб келади. Бу йўналишда янги инновацион усуллар, илғор хорижий тажрибани ўрганиш мақсадида Ўсимликлар карантини ва ҳимояси агентлиги ходимлари Буюк Британияда малака ошираётгани ҳақида хабар қилган эдик.

Малака ошириш курслари доирасида мутахассислар Лондондаги Табиий тарих музейида ҳам бўлдилар. Маълумот ўрнида таъкидлаш лозим, ушбу музей Буюк Британиянинг энг йирик музейларидан бири бўлиб, бу ерда ботаника бўйича 70 миллиондан ортиқ намуналар сақланиб келинади. Шунингдек, зоология бўлимидаги 55 миллиондан ортиқ экпонатларнинг яримини ҳашаротлар ташкил этади.

Малака ошириш курслари доирасидаги яна бир объект табиий ресурслардан самарали барқарор фойдаланиш бўйича тадқиқотлар ўтказувчи “FERA” – Озиқ-овқат ва атроф-муҳитни кузатиш агентлиги бўлди. Ўзбекистонлик мутахассислар 100 йиллик тарихга эга ташкилотнинг фаолияти билан ҳам яқиндан танишдилар.

Малака ошириш курслари якуни бўйича “CАBI”- Қишлоқ хўжалиги ва биология фанлари халқаро маркази раҳбарлари иштирокида учрашув ўтказилиб, 11 нафар мутахассисга сертификатлар топширилди.

Эслатиб ўтамиз, 2 ҳафта давомида Агентлик ходимлари, шу жумладан Марказий фитосанитария лабораторияси мутахассислари ўсимликлар зараркунандалари, яъни вируслар, замбуруғлар ва бошқа ўсимлик касалликлари ҳамда лаборатория диагностикаси бўйича британиялик ҳамкасблари билан тажриба алмашдилар.

Жорий йилнинг 28 июль куни Европа тикланиш ва тараққиёт банки (ЕТТБ) иштирокида амалга оширилиши режалаштирилган “Фарғона, Андижон ва Наманган вилоятларида 118 та насос станцияларини модернизация қилиш” лойиҳасининг қарз битимини муҳокамаси бўйича учрашув бўлиб ўтди. Тадбир видео-алоқа тарзида ўтди.

Тадбирда Ўзбекистон Сув хўжалиги вазирининг ўринбосари Акмал Мирзаев, Марказ директори Бахтиёр Камалов ҳамда манфаатдор вазирлик ва идоралар (Молия вазирлиги, Инвестициялар ва ташқи савдо вазирлиги, Адлия вазирлиги) вакиллари иштирок этишди. Учрашвда ЕТТБ билан мазкур лойиҳанинг қарз битимини имзолашда кўриб чиқилиши лозим бўлган масалаларни атрофлича муҳокама қилдилар.

Учрашув якунида томонлар келгусида бажариладиган ишлар ҳамда уларни жадаллаштириш юзасидан ўзаро келишувга эришдилар.

Англиянинг Манчестер шаҳрида Европадаги энг йирик ҳалол таомлар фестивали бўлиб ўтади, бу фестивалга Буюк Британия бўйлаб минглаб одамлар ташриф буюриши тахмин қилинмоқда

Ҳалол таомлар фестивали 2022 йил 27 – 28 август кунлари бўлиб ўтиши режалаштирилган.100 турдан ортиқ таомлар намойиш этиладиган мазкур тадбирга Блекберн, Болтон, Бредфорд ва Дюсбери каби ҳудудлардан минглаб одамлар жалб қилиниши айтилмоқда.«Islamic Relief UK» Манчестер ҳалол таомлар фестивалининг Расмий хайрия ҳамкори бўлишдан шарафдир», деди “I Love Manchester” нашрига Буюк Британия «Islamic Relief UK» вақфи директори Туфайл Ҳусайн.

“Бу ажойиб тадбир очиқ ҳавода бўлади. Ҳаётнинг турли қатламлари ва табақаларидан бўлган минглаб одамларнинг ўйин-кулги, байрамлар ва мазали таомлардан баҳраманд бўлиш учун бирлашаётганини кўришни орзиқиб кутамиз. Кўнгилочар ярмаркадан тортиб, болалар майдонигача, шунингдек, намоз ўқиш жойларигача ташкил этилади”, — деди Ҳусайн.

Шу йил 20-июль куни Қозоғистоннинг Астана шаҳрида  «Марказий Осиёда касбий таълим – Озиқ-овқат маҳсулотларини қайта ишлаш секторида тизимли ёндашувларни рағбатлантириш (ПЕCА)» мавзусига бағишланган конференция бўлиб ўтди.

Германия Иқтисодий ҳамкорлик ва тараққиёт федерал вазирлиги ҳомийлигидаги ушбу тадбирда Қозоғистон, Қирғизистон, Тожикистон ҳамда Ўзбекистон давлатлари вакиллари иштирок этишди.

Мазкур дастур Марказий Осиёда озиқ-овқат маҳсулотларини қайта ишлаш саноати учун тажриба тариқасида касб-ҳунар таълими ҳамда уни модернизация қилишни қўллаб-қувватлайди.

Тадбирдан мақсад икки томонлама: касбий таълим ва университет таълимини йўлга қўйишдан иборат бўлиб, унда таълим мазмунининг муҳим қисми корхоналарда, яъни бевосита иш жойида ўқитилади.

Маълумот учун таъкидлаш лозимки, ушбу конференцияда Ўзбекистон Oзиқ-овқат саноати уюшмаси раиси Баҳодир Умиршайхов ўз фикр ва мулоҳазаларини билдирди.

Для связи с редакцией используйте адрес электронной почты - info@agronews.uz