Ўзбекистон истеъмолчиларини тоза ва сифатли ичимлик суви билан таъминлаш ва канализация хизматларини яхшилаш, ичимлик суви таъминоти ва канализация хизматлари қамровини ошириш, саноатни ўзгартириш жараёнларини жадаллаштириш бўйича кўрилаётган изчил чора-тадбирларни янада жадаллаштириш мақсадида, 2023-йил 24-октабрдаги ПҚ-343-сон, Ўзбекистон Республикаси Президентининг “Ичимлик суви таъминоти ва канализация тизимини янада такомиллаштиришга доир қўшимча чора-тадбирлар тўғрисида”ги қарори қабул қилинган эди.
Шунингдек, Ўзбекистон Республикаси Президенти Шавкат Мирзиёев 2024-йил 29 январ куни бўлиб ўтган селекционерлар йиғилишида аҳолини тоза ичимлик суви билан таъминлаш борасида соҳани ривожлантириш бўйича аниқ вазифаларни белгилаб берди. Вазифани бажариш, аҳоли ва улгуржи истеъмолчиларни марказлашган ҳолда ичимлик суви билан таъминлаш, оқава сувларни тозалаш хизматлари сифатини ошириш мақсадида республика бўйлаб муайян ишлар амалга оширилмоқда.
Ўзбекистон ҳукумати доимо аҳолининг тоза ичимлик сувига бўлган талаб ва эҳтиёжларини қондиришни ўз олдига муҳим вазифа қилиб қўйган. Шу тариқа Сурхондарё вилоятининг олис ва бориш қийин бўлган ҳудудларида аҳоли пунктларини сув билан таъминлаш борасидаги ишлар ўз самарасини бермоқда. Канализация тармоқлари таъмирланиб, сув таъминоти тизимларида профилактика ишлари олиб борилмоқда, қувурлар мустаҳкамроқларига алмаштирилмоқда.
Таъкидлаш жоизки, Ўзбекистон Қишлоқ хўжалиги ахбороти ва инновациялар маркази ана шундай лойиҳалардан бирини Денов туманидаги “Охтом” микрорайонидаги “Аҳолини тоза ва сифатли ичимлик суви билан таъминлашни яхшилаш” деб номланган олисда амалга оширилмоқда. мамлакатимизнинг чекка ҳудудлари”. Мазкур лойиҳа доирасида 415 та маҳалла фуқаролар йиғини тоза ва сифатли сув билан таъминланади.
Қувонарлиси, лойиҳамиз Ўзбекистон Республикаси Олий Мажлиси ҳузуридаги Нодавлат нотижорат ташкилотларини ва фуқаролик жамиятининг бошқа институтларини қўллаб-қувватлаш жамоат фонди маблағлари ҳисобидан молиялаштирилиб, унинг мақсади аҳолининг ичимлик сувидан фойдаланиш маданиятини ошириш ва тоза ва сифатли сув билан таъминлаш, – деди марказ директори Йўлдошев Мирзоҳид.
Бугунги кунга қадар 1 та вертикал қудуқ қазилиб, ҳажми 25 куб метр бўлган сув минораси ўрнатилди. Сув тақсимлаш иншоотида 6,5 километр узунликдаги сув тармоғи, шунингдек, насос станцияси биноси қурилди. Натижада маҳалланинг 2 минг нафардан ортиқ аҳолисини тоза ичимлик суви билан таъминлаш имконияти яратилди.
Одилов Қобулжон, www.agronews.uz бош муҳаррири
Бугун қишлоқ хўжалиги соҳасини ҳам замонавий техника-технологияларсиз тасаввур этиб бўлмайди. Экинни ерга қадашдан токи ҳосилни йиғиб олгунгача бўлган барча даврда замонавий техника фермерлар учун энг яқин кўмакчига айланмоқда. Даладаги ҳар бир янги, замонавий техника эса, албатта, Ўзбекистон Қишлоқ хўжалиги вазирлиги ҳузуридаги Қишлоқ хўжалиги техникаси ва технологияларини сертификатлаш ва синаш марказининг назоратидан ўтади. Ушбу марказ Туркия Қишлоқ хўжалиги вазирлиги ҳузуридаги Қишлоқ хўжалиги техникаларини синаш маркази билан ҳамкорликни йўлга қўйиши эса, республикадаги аграр соҳа ривожига берилаётган яна бир имконият, стандартлаштириш ва сертификатлаш соҳасидаги самарадорликни оширишдир. TAMTEST раҳбари Meltem Deniz CAN бошчилигидаги Туркия қишлоқ хўжалиги делегацияси марказлар ўртасида ўрнатилаётган алоқаларни мустаҳкамлаш ва Ҳамкорлик меморандумини имзолаш мақсадида Қишлоқ хўжалиги техникаси ва технологияларини сертификатлаш ва синаш маркази (ҚХТТСМ) га келишди. Ташриф доирасида Қишлоқ хўжалиги вазирлиги Қишлоқ хўжалигини механизациялаш ва техник модернизациялаш бошқармаси бошлиғи Қодир Исмоилов ва ҚХТТСМ мутахассислари ва меҳмонлар иштирокида “Йўл харитаси”да белгиланган вазифаларни ижросини таъминлаш мақсадида учрашув бўлиб ўтди. Қишлоқ хўжалиги техникаси ва технологияларини сертификатлаш ва синаш марказининг моддий-техник базасини мустаҳкамлаш, халқаро аккредитациядан ўтказиш, имитацион ва тезкор синов лабораторияларини қуриш ҳамда замонавий асбоб-ускуналар билан жиҳозлаш тадбирнинг асосий мавзусига айланди. Шунингдек, марказда олий таълим муассасалари, илмий тадқиқот институтларидан технолог консрукторлар, ишлаб чиқариш корхоналаридан малакали мутахассисларни жалб этиш орқали “Маънавият ва маърифат ҳамда билимлар уйи”да ташкил этилаётган ўқув курсларида ўқитиш режалаштирилаётганига ҳам тўхталиб ўтилди. TAMTEST раҳбари Мeltem Deniz CAN эса, Туркия қишлоқ хўжалиги техникаларини синаш маркази фаолияти ҳақида тайёрлаб келган видеоролигини намойиш қилди. Учрашувдан сўнг меҳмонлар марказ фаолияти билан яқиндан танишиш мақсадида ҳудудда жойлашган Ўзбекистон қишлоқ хўжалигини механизациялаш музейи, техникаларни синаш стендлари жойлашган лабораторияларда бўлишди. Марказнинг асосий фаолияти, функциялари ва вазифалари ҳамда мавжуд синов ускуналари, ўлчов воситалари методикалари билан яқиндан танишишди. Ушбу ҳамкорликнинг эътиборли жиҳати шундаки, ўтказилган музокарадан илғор хориж синов марказлари ҳамда ишлаб чиқарувчилари билан яқиндан ҳамкорлик ўрнатиш, халқаро талаблар асосида синовларни ўтказишга эришиш режалаштирилмоқда. Шунингдек, қишлоқ хўжалиги маҳсулотларини етиштирувчиларига тупроқ-иқлим шароитларига мос техникаларни тавсия қилиш, уларни агрегатлаш самарадорлигини аниқлаш ҳамда янги ресурс-тежамкор техника ва технологиялар жорий қилинишини таъминлаш кўзда тутилмоқда. Томонлар марказни халқаро аккредитациядан ўтказиш бўйича бажарилиши лозим бўлган вазифалар бўйича ҳам ўзаро тажриба алмашишди, дейилади Ўзбекистон қишлоқ хўжалиги вазирлигининг ахборот хизмати хабарида.
