ЎҒИТЛАР МИҚДОРИ, ўғитлар дозаси – майдон бирлиги (одатда 1 га.) ҳисобига солинадиган ўғитлар миқдори. Ноорганик ўғитлар (азот, фосфор, калий) кг, органик ўғитлар (гўнг ва ҳ. к.) т билан ифодаланади. Боғдорчилик ва токчиликда Ў. м. тупроқнинг озиқ моддалар билан таъминланганлиги, тупроқни сақлаш системаси, агротехника даражаси, суғориш, ўғитлаш усуллари, ўсимликларнинг экилиш қалинлиги ва ёши, ҳосил миқдори кабиларга қараб ифодалана¬ди. Ҳосилга кирган боғлар учун илмий асосланган Ў. м. : гўнг -25-30т/га; азот-120-240 кг/га, фосфор-120 кг/га, калий -60 кг/га (таъсир этувчи модда ҳисобида); ҳосилга кирган токзорлар учун гўнг-25-30 т/га, азот-120 кг/га, фосфор-90 кг/га, калий-45-60 кг/га.