СОВУҚЧАНЛИК, совуққа чидамлилик, қишга чидамлилик — ўсимликларнинг қиш совуғига ва бошқа ноқулай табиий шароитларга чидай олиш хусусияти. Бир ўсимлик турли қисмларининг совуққа (қишга) чидамлилиги ҳар хил бўлади. Масалан, паст ҳарорат таъсирида мева куртаклар ўсувчи куртакларга қараганда тезроқ нобуд бўлади. Мевали ўсимликлар ва токнинг совуққа чидамлилиги уларнинг чиниққанлигига, нав хусусиятларига, парваришига боғлиқ.