ТОМЧИЛАТИБ СУҒОРИШ – замо¬навий суғориш усулларидан бири. Боғ ва токзорларда қўлланилади. Айниқса, тоғли ва нотекис ерларда жуда қўл келади. Махсус сув ҳавзаси, минора, автомат ускуна ва мосламалар орқали сув бевосита ўсимликлар илдиз қатламига томчилаб берилади. Афзалликлари: сув тежалади, фақат илдиз жойлашган қатлам нам билан таъминланади, боғ ва токзор оралари тупроғи қуруқ сақланиши туфайли бегона ўтлар деярли ўсмайди, ўсганлари қурийди, бевосита суғориш вақтида зарар¬кунанда ва касалликларга қарши курашни олиб бориш мумкин ва ҳ. к.