ҚУМЛИ ЕРЛАРДА ТОК ЕТИШТИРИШ – ток тупларини қум, шунингдек, қумлоқ тупроқли ерларда етиштириш. Қум ва қумлоқ тупроқларда, одатда минерал озиқ моддалар ва микрофлора жуда кам, структурасиз, шамол эрозиясига чидамсиз, нам сиғими паст ва айни вақтда сув ўтказувчанлиги юқори бўлади. Бундай ерларда ток ташқи муҳитга таъсирчан бўлади ва ўзига хос парваришни талаб қилади. Ток барвақт ўсади, ривожланиш фаза¬лари ва пишиқлик эрта бошланади, қанд моддаси жадал тўпланади, ўсимлик суст ўсади (айниқса экилган йили) ва ҳ. к.