ТОК ТУПЛАРИНИ МЕХАНИЗАЦИЯ ЁРДАМИДА КЕСИШ – кат¬та майдонларда ток кесишнинг илғор усулларидан бири. Ток туплари¬ни қўлда кесиш катта меҳнатни талаб қилади. 1 га ҳосил берадиган токзорга ўртача 20 киши куни талаб қилиниши аниқланган. Бир қатор мамлакатлар (Италия, Франция, Испания, Австрия, Болгария, Венгрия, АҚШ, Украина, Молдова ва ҳ. к.)да ток тупларини кесишнинг пневма-тик, гидравлик ҳамда электромеханик усуллари ишлаб чиқилган. Ма-салан, Украинада тракторга тиркаладиган АЭС-10А электромеханик секатори яратилган бўлиб, унда хизмат қилувчи 10 ишчи бир йўла 10 қатордаги ток тупларини кесишни амалга оширади. АҚШ, Австрия , Италия каби мамлакатларда махсус тайёрланган ток тупларини тўлиқ механизация ёрдамида кесиш усули ишлаб чиқилган. Бунда ток ту-плари новдалари бир томондан калта (қайта тиклаш мақсадида), ик-кинчи томондан узун (ёшартириш мақсадида) кесилган. Молдовада кўмилмайдиган ва тик симбағазга кўтарилган баланд танали ток ту-плари новдаларини 2-3 куртак қолдириб кесиш ва тупларни 4-5 йил да-вомида ёшартириб бориш тавсия қилинган