МУЛЬЧАЛАШ – агротехника усулларидан бири. Тупроқ устини турли материаллар (чириган гўнг, кул, барглар, қипиқ ва ҳ. к.) билан беркитиш. М. тупроқдаги намни сақлаш, тупроқ структурасини, тупроқнинг микробиологик ва ҳарорат режимини ях¬шилаш, бегона ўтларнинг ўсиб чиқмаслиги, тупроқни юмшатишга ке¬тадиган харажатларни камайтириш мақсадида қилинади. М. , натижа¬сида кўчатлар яхши тутади ва ривожланади, тупроқ нам режими, био¬логик фаоллиги, ўсимликнинг озиқланиш шароитлари яхшиланади. Айниқса, сув камчил жойларда яхши самара беради.