МЕВАЛИ ЎСИМЛИКЛАР ВА ТОКНИНГ – АЁЗГА (ҚОРА СОВУҚҚА) ЧИДАМЛИГИ — мевали ўсимликлар ва токнинг турли да¬ражадаги кузги ва баҳорги қора совуққа чидамлилик хусусияти. Улар учун куздаги ва баҳордаги (айниқса ток учун) қора совуқлар ўта хатарли ҳисобланади. Айниқса эрта кузги қора совуқ (-1, -3ºС) ўрта ва кечпишар узумлар ғужумларини тўкилишига, ҳосил теришнинг қийинлашувига, бир қисм ҳосилнинг ерда тўкилиб нобуд бўлишига сабаб бўлиши мум¬кин. -4º С дан -10º С гача бўладиган совуқлар барглардаги физиологик жараёнларнинг бузилишига, ўсимликда пластик моддалар заҳирасини камайиши ёки тўхташига сабаб бўлади. Кечки баҳорги қора совуқлар (-3ºС, -4ºС) бўртаётган куртакларга, -1ºС яшил новда ва баргларга, шу-нингдек тўпгулларга ҳалокатли таъсир кўрсатиши мумкин. Кураш чо-ралари юқорида баён қилинган.