КУРТАК ПАЙВАНД – пайванд қилишнинг энг кўп тарқалган ҳамда қулай усули. К. п. нинг энг қулай вақти август ойи. Ёш ўсимликлар (уруғкўчатлар) танаси, катта ёшдагиларнинг унча йўғон бўлмаган шохларининг пўстлоғи, кунга тескари томонидан 2, 5-3, 0 см узунликда пайвандлаш пичоғи билан “Т” шаклида тилинади. Танлан¬ган навдан олинган соғлом новданинг ўрта қисмидаги куртаклардан бири 2,5-3,0 см узунликда бироз ёғочлик қисми билан қирқиб олинади ва “Т” шаклидаги кесикка ўрнатилади ҳамда устидан зич қилиб чипта, полиэтилен пленка каби материаллар билан боғланади. К. п. қилишдан 3-5 кун олдин ўсимлик қондириб суғорилиши лозим. 1000 дона куртак-ни боғлаш учун 1,5 кг ча боғлов материали сарф бўлади. Одатда пай-вандланган данакли мевалилар куртаклари 10-12 кунда, уруғли мева-лиларники 14-15 кунда тутади. Бу усулда ток туплари ҳам пайвандла-ниши мумкин.