ТОК ТУПЛАРИНИ ЁШАРТИРИШ – ток тупининг ер устки ёки алоҳида қисмини янги¬лаш мақсадида ўтказиладиган агротехника тадбири. Кучсиз ўсаётган, айниқса, совуқдан, дўлдан зарарланган, шунингдек, қари токзорлар¬да қўлланилади. Туплар тўлиқ ҳамда қисман ёшартирилиши мумкин. Тўлиқ ёшартириш ер устки қисми нобуд бўлган, аммо илдизи соғлом токларга нисбатан қўлланилади. Совуқдан зарарланганлари “қора” каллак қолдириб (25-30 смчуқурликдаги ер ости танагача) кесилади. Ундаги ухловчи куртаклардан янги новдалар ўсиб чиқади ва улар 10-15 смўсганда улардан 2 та яхши ривожлангани қолдирилади, кейинча¬лик уларнинг учини чилпиш орқали новдалар янада ривожлантирила¬ди. Бундай туплар иккинчи йилдан яна ҳосилга киради.