ЎҒИТЛАРГА БЎЛГАН ТАЛАБЧАНЛИКНИ АНИҚЛАШ – боғ ва токзорларнинг мўл ва сифатли ҳосил олиш учун зарур бўлган ўғитларнинг хили ва миқдорини ҳисоблаш. Улар тупроқдаги мавжуд озиқ моддаларнинг миқдори, новдалар ва ўсимликнинг ривожланиш холати, озиқ моддалар¬нинг ўсимлик қисмлари орқали чиқиб кетиш миқдори, режалаштирилган ҳосил миқдори ва сифатига қараб белгиланади. Айниқса ўсимликнинг ўғитларга қандай талабчанлигини уларнинг новдалари ва барглари ташқи кўринишига қараб(новдалар суст ўсган, барглар кичик ва ранг¬сизланган ва ҳ. к.) аниқланади. Шунингдек, тупроқни ва ўсимлик айрим қисмларини кимёвий анализ қилиш йўли билан ҳам аниқлаш мумкин.