ЁНБАҒИРЛАРНИ ЎЗЛАШТИРИШ, қияликларни ўзлаштириш – жойлардан унумли фойдаланиш мақсадида ёнбағирлар ёки қияликларни боғ ҳамда токзор барпо этиш учун қулай ҳолатга келтириш. Ё. ў. катта маблағ ва меҳнатни талаб қилади. Ўзлаштиришдан олдин уларнинг боғ ва токзор учун қанчалик қулайлиги, қандай тартибда ўзлаштириш лозимлиги, экиладиган ўсимликнинг қандай тур ва навларини жойлаштириш мумкинлиги ка-билар инобатга олинади. Бу иш агроном, тупроқшунос, ер тузувчи, му-хандис – механизатор, гидромелиораторлардан иборат махсус комис-сия томонидан белгиланади.