УЗОҚ ДУРАГАЙЛАШ — ҳар хил тур ва туркумга мансуб ўсимликларни чатиштириш. У. д. ўзига хос биологик хусусиятларга эга. У. д. да кўпинча ота ва она ўсимликларда бўлмаган янги хусусиятлар ва сифатлар пайдо бўлади. И. В. Мичурин У. д. она ўсимликнинг фақатгина ёш даврида, биринчи гуллаган йилида чатиштириш натижа бериши мумкинлигини кўрсатган. У. д. йўли билан ўрик билан олхўри, гилос билан олчани, ҳар хил ток турларини чатиш¬тирган. Масалан, Ренклод зеленый олхўри навини ёввойи тоғолча би¬лан чатиштириб Терн десертный навини яратган.