– ПАРХИШ, пархиш қилиш – ўсимликларни вегетатив кўпайтириш усулларидан бири. Токни, паст бўйли (карлик) мевали ўсимликларни П. йўли билан кўпайтириш мумкин. П. қилинган ўсимликда она ўсимликнинг барча хусусиятлари сақланади; П. нов¬да яхши тутиб кетади, тез ҳосилга киради. П. , асосан, кузда, барглар тўкилгач ёки эрта баҳорда куртаклар уйғонмасдан қилинади. Маса¬лан, пархиш қилинадиган ток тупидан янги ўстириладиган жойгача чуқурлиги 50-60 см, эни 40-50 см ариқ қазилади, П. қилинадиган нов¬да унга ётқизилиб, унинг учи 3-4 куз қолдириб кесилади ва қозиққа боғлаб қўйилади, новда тупроқ билан кўмилади; иккинчи йили кузда она тупдан ажратилади.