ТИНИМ ДАВРИ – мевали ўсимлик ҳамда ток¬нинг уйқу даври. Физиологик (органик) ҳамда мажбурий Т. д. бўлади. Физиологик Т. д. да куртаклар чуқур уйқуда бўлади, аммо моддалар ал¬машинуви жараёни суст кечади. Т. д. крахмал энг кўп тўпланган давр бўлиб, ўсимлик совуққа чидамли бўлади. Бу давр тахминан 60-75 кун давом этади. Иккинчи, яъни мажбурий тиним даврида ўсимлик ноқулай об-ҳаво шароити туфайлигина ривожланмайди. Об-ҳаво исиб кетиши билан куртаклар уйғониб, ўсимлик ривожлана бошлайди.