ҲОСИЛ БЕРИШ, мева бериш – мевали, ре¬завор мевали ҳамда ток ўсимликларининг биологик, хўжалик, нав ху¬сусиятларига, ёшига қараб ҳосилга кириш ва ҳосил бериш даври; ўсимликларнинг ҳосил пайдо қилиш қобилияти ёки мевали ўсимликлар ва токда гуллаб мева тугилиши, унинг ривожланиши ҳамда пишиши. Мевали ўсимликлар ва токнинг ҳосилга кириш даври турли шароит¬лар(ўсимлик тури, нави, тупроқ-иқлим ва ҳ. к.)га боғлиқ. Табиий ра¬вишда уруғидан кўпайган мевали ўсимликлар ҳамда ток 5-7 ва ун¬дан ортиқ йилда, вегетатив йўл билан кўпайтирилганлари барвақтроқ ҳосилга киради. Мевали ўсимликлар ва токнинг ҳосилга кириши шу¬нингдек, кўчат ўтқазиш чуқурлиги ҳамда парваришга ҳам боғлиқ.