ЖИНСИЙ ДУРАГАЙЛАШ – ўсимликларни чатиштиришда генетик жиҳатдан турлича бўлган икки жинсий ҳужайранинг қўшилиши ва зиготадан ота-она ирсий белги¬ларини сақловчи янги организмнинг пайдо бўлиши. Табиий (табиатда мустақил) ҳамда сунъий(инсон иштирокида селекцияда) бўлади. Янги нав яратиш ҳамда мавжуд навлар ҳосилдорлигини ошириш мақсадида амалга оширилади. Ж. д. билан вегетатив дурагайлашни самарали қўшиб олиб бориш натижасида И. В. Мичурин мевали, резавор мевали ўсимликлар ва узумнинг 300 дан ортиқ навларини яратган.