ЕКИШДАН ОЛДИН ТУПРОҚНИ ТАЙЁРЛАШ – кўчат экишдан олдин маълум тартибда тупроққа ишлов бериш усули; муҳим агротех¬ника тадбирларидан бири. Энг муҳими майдон ерининг микрорелье¬фини ҳамда тупроқ унумдорлигини оширишга эътибор берилади. Май¬дон 1—2 йил олдин тўнка, майда ўсимликлар, тошлардан тозаланади, сўнг текисланади, куз ёки эрта баҳорда 60-70 см. чуқурликда плантаж қилинади ва ёки ер 30-35 см. чуқурликда органо-минерал ўғитлар со-линиб ҳайдалади. Юмшоқ, нами етарли, унумдор тупроқларда экилган кўчатлар илдизлари ва ер устки қисми жадал ривожланади. Плантаж кўчат экишдан камида 3 ой олдин қилингани маъқул.