ҲОСИЛНИ ОЛДИНДАН АНИҚЛАШ – мева ва узум ҳосилини олдиндан белги¬лаш усули. Гуллашдан сўнг ёки ҳосил пишишдан олдин ўтказилади. Бунинг учун маълум мевали дарахтлар ажратилиб, уларнинг битта асосий шохларидаги тугилган мевалар саналади ва пишган меванинг ўртача вазнига кўпайтирилади. Сўнг битта дарахт бўйича ўртача ҳосил аниқланади ва 1 га даги дарахтлар сонига кўпайтирилади. Узум ҳосилини аниқлашда белгиланган ток тупларидаги узум бошлари саналиб, навнинг тупдаги узум бошлари ўртача вазнига кўпайтирилади ва гектар ҳисобига ўртача тахминий ҳосил аниқланади. Яна. қ. Апробация.