УЗУМ БОШЛАРИ ВА ҒУЖУМЛАРИНИ СИЙРАКЛАШТИРИШ – асо¬сан ҳўраки навларда қўлланиладиган агротехника усулларидан бири. Ҳаддан ташқари зич узум бошлари ва ғужумларнинг маълум қисмини олиб ташлаш. Мевалар тугилиб, улар физиологик тўкилгандан сўнг қилинади. Натижада узум бошлари, айниқса ғужумлар катталашади, яхши ранг олади, пишиши тезлашади, биокимёвий таркиби, мазаси ях-шиланади ва бир вақтнинг ўзида новдалар, куртаклардаги жараёнлар кучайиб, карбонсув (углевод)лар кўпаяди.