НАВЛАРНИ РАЙОНЛАШТИ¬РИШ – серҳосил, ҳосил сифати ва бошқа агробиологик кўрсаткичлари юқори бўлган сара навларни танлаш ҳамда ва тупроқ-иқлим шароитла¬ри тўғри келадиган узумчиликка мослашган зоналардаги хўжаликларга жорий қилиш. Навларни тўғри танлаш ва жойлаштириш мўл ва сифат¬ли ҳосил етиштиришнинг асосий омилларидан ҳисобланади. Район¬лаштиришда Давлат нав синаш тармоқларидан ўтган ва Давлат комис¬сияси томонидан тавсия қилинган, хўжалик-биологик кўрсаткичлари юқори навлар ҳисобга олинади ва экиладиган янги навлари экиб кели¬наётган навлардан ҳар жиҳатдан устун бўлмоғи лозим. Ўзбекистоннинг тупроқ-иқлим шароитлари мева ва узумнинг барча йўналишдаги на¬вларини муваффақият билан етиштириш учун жуда қулай бўлсада, уларни зоналар бўйича жойлаштириш муҳим аҳамиятга эга. Экилган ҳарқандай янги навлар вақт ўтиши билан қандайдир камчиликларга эга бўлади, Шунинг учун районлаштирилган сортиментни доимо ях-шилаш ва янгилаб туриш лозим. Ўзбекистонда 26 зона мавжуд бўлиб, Ўзбекистон Республикаси худудида экиш учун тавсия этилган қишлоқ хўжалик экинлари Давлат Реестрига кўра олманинг 18, нокнинг 12, ги-лоснинг 5, шафтолининг 20, ўрикнинг 14, узумнинг 35 нави районлаш-тирилган.