ТОК ВА МЕВАЛИ ЎСИМЛИКЛАРНИ КЎПАЙТИРИШ, ток ва мева¬ли ўсимликларнинг кўпайиши – ток ва мевали ўсимликларнинг янги ўзига ўхшаш организм (ўсимлик)ларни қолдириш хусусияти. Биоло¬гик жиҳатдан мавжуд турлар мавжудлигини давом эттиришнинг шарт-ларидан бири, амалиётда эса, мевали ўсимликлар ва токни маданий ҳолда экиб ўстириш тушунилади. Жинсий ва вегетатив йўллар билан амалга оширилади. Жинсий йўл билан кўпайтиришда икки жинсий ҳужайранинг қўшилиши натижасида янги организм вужудга келиб, кей-инчалик уруғ ҳосил қилади ва ундан яна янги организм ривожланади. Вегетатив кўпайтиришда эса, янги ўсимлик (организм) она ўсимликнинг айрим вегетатив органлар (қаламчаси, куртаги ва ҳ. к.)дан шаклланади. Биринчи ҳолатда шаклланган организм эндигина ўзининг индиви¬дуал ривожланишини бошлаган бўлади. Иккинчи ҳолатда эса, янги организм (ўсимлик) она ўсимлик давомчиси сифатида ривожланади.