ТОКЗОР ВА МЕВАЛИ БОҒЛАРНИ ТАЪМИРЛАШ – боғ ва токзорларда қуриб қолган туплар ўрнини қоплашга қаратилган агротехника усули. Боғ ва токзорларда турли сабаблар(кўчатларнинг тўлиқ тутмаслиги, совуқ, дўл каби ноқулай табиий-иқлим шароитлар таъсири) натижасида ай¬рим туплар қурийди. Агар уларнинг ўрнини шу навнинг соғлом кўчатларини экиш орқали тўлдирилмаса ҳосил йил сайин камайиб, са¬марасиз ҳаражатлар кўпаяди, маҳсулот таннарҳи ошади, хўжаликка жиддий иқтисодий зарар келтириши мумкин. Боғ ва токзорларни фақат кўчат экиш йўли билангина эмас, балки жойида пархиш, пайвандлаш йўллари билан ҳам тўлдириш мумкин.