ЎСИМЛИКЛАРНИНГ ЎСИШИ – ўсимликларнинг ҳажм жиҳатдан катталашиб улғайиши. Тирик орга¬низмнинг ҳар бир ҳужайраси бўлиниш ва кўпайиш йўли билан шунга ўхшаш ҳужайраларни ҳосил қилиш хусусиятига эга бўлганлиги учун ўсиш рўй беради ҳамда метаболитлар ва фитогармонлар ёрдамида тар¬тибга солиниб турилади. Масалан, барг тўқималарининг бўлиниши натижасида барг, илдиз тўқималарининг бўлиниши натижасида ил¬диз ўсади ва ҳ. к. Бунда ҳужайра ва унинг бўлаклари ташқи муҳит орқали озиқ моддаларни ўзлаштириб синтез қилади. Ўсиш эмбрионал, чўзилиш ҳамда дифференциация этапларида ўтади.