КУЛРАНГ ЧИРИШ – кўпчилик ўсимликлар (қулупнай, малина, ток ва ҳ. к.)да учрайдиган замбуруғ ка¬саллиги. Барглар, новдалар, тўпгул, меваларни зарарлайди. Айниқса, пишган мевалар зарарланиб, устида кул ранг ғубор ҳосил бўлади, мева чирийди. Ўта намгарчиликда ҳам касаллик кўпаяди. К. ч. данакмевали¬лар (ўрик, шафтоли ва ҳ. к.)да ҳам учраб, асосан, гуллари, ғунчалари, ёш новдалари зарарланади. Токда зарарланган тўпгуллар қўнғирлашиб, қурийди. Кураш чоралари: парвариш яхшиланади, эрта баҳорда 5-8% ли темир купороси ва гуллашдан олдин 1% ли бордо суюқлиги пурка¬лади. Шунингдек ортофолтан, эупарен каби кимёвий препаратлар ҳам яхши ёрдам беради.