НАВ – одатда вегетатив йўл билан кўпайтирилган, маълум иқтисодий ва табиий шароитларда ўстириладиган қимматли биологик ва хўжалик белгиларга эга бўлган маданий ўсимликлар мажмуи. Мевали, ре¬завор мевали ўсимликлар ва токнинг ҳар бир нави бир қатор ўзига хос мор-фологик белгиларга эга ва маълум табиий-иқлим шароитларига мослашган бўлади. Халқ селекцияси томонидан етиштирилган маҳаллий (абориген) на¬влар, илмий муассасаларда махсус усуллар билан етиштирилган селекци¬он навлар, нав-клонлар, интродукцион (четдан келтирилган) навлар бўлади. Мўл ва сифатли ҳосил етиштиришда Н. нинг аҳамияти катта.