НАВНИ ТЕХНОЛО¬ГИК ЖИҲАТДАН БАҲОЛАШ – навга у ёки бу хилдаги маҳсулотни олиш учун уни хом ашё сифатида ишлатиш мумкинлиги имкониятини баҳолаш. Бунда навга ва унинг маҳсулотларига увологик(узумчилик¬да), помологик(мевачиликда), шунингдек биокимёвий жиҳатдан ана¬лиз қилиб баҳо берилади. Увологик ҳамда помологик анализ узум ва мева пишабошлаганидан уларнинг механик таркиби, кимёвий ва ор¬ганолептик хусусиятлари, улардан тайёрланадиган маҳсулотлар хил¬лари ҳамда уларга ташқи муҳит омилларини таъсирини ўрганишни ўз ичига олади. Биокимёвий анализ эса, мева ва узумнинг кимёвий таркиби, унинг қайта ишлов жараёнида ўзгаришини ўз ичига олади. Мева ва узумнинг механик таркибини аниқлашда уларни тарозида тор¬тиш ҳамда мева, узум боши, ғужуми айрим тузилма элементларини миқдор жиҳатдан ўрганилади (уларнинг тузилиши, шакли, узум бош¬лари, ғужумлари, шингиллари, мева бандлари, шунингдек 100 дона ғужумлар, 100 дона уруғлар оғирликлари аниқланади ва ҳ. к.).